यु–१९ एसिया कप : नेपाल अफगानिस्तानसँग ३ विकेटले पराजित

काठमाडौं– बंगलादेशमा जारी एसीसी यू–१९ एसिया कप क्रिकेटमा नेपाल अफगानिस्तानसँग ३ विकेटले पराजित भएको छ। 

बिकेएसपी फोर मैदानमा टस जितेर पहिला ब्याटिङ गरेको नेपालले ३८.३ ओभरमा सबै विकेट गुमाउँदै १३१ मात्र बनाएको थियो। जवाफी व्याटिङ गरेको अफगानिस्तानले ३७.३ ओभरमा ७ विकेट गुमाउँदै १३२ रनको विजय लक्ष्य पुरा ग-यो। 

अफगानिस्तानका लागि रहमानउल्लाह गुरबाजले सर्वाधिक २६ रन बनाए। अजमतउल्लाह ओमारजै र आरिफ खानले २३–२३, इजाजले १६, रियाज हुसन ११ र मोहम्मद इस्कले १० रन जोडे। 

नेपालका सूर्य तामाङले ४ विकेट लिए भने रसिद खान, सागर ढकाल र पवन सर्राफले समान १–१ विकेट लिए।

यसअघि निर्धारित ५० ओभरको खेलमा नेपाली ब्याट्सम्यान क्रिजमा ३८.३ ओभरसम्म मात्रै टिके। नेपालका लागि रोहित कुमार पौडेलले सर्वाधिक ४९ रन बनाए। रसिद खान २९, अरिफ शेख २० र रित गौतमले १० रन बनाउनुबाहेक अन्यले दोहोरो अंक जोड्न सकेनन्। 

अफगानिस्तानका अजमतउल्लाह ओमारजै ४ तथा अब्दुल रहमान र क्वास रहमानले समान २–२ विकेट लिए।

नेपालले यसअघि आफ्नो पहिलो खेलमा भारतसँग १७१ रनको फराकिलो हार व्यवहोरेको थियो। अब अन्तिम खेल युएईसँग खेल्नेछ।

प्रतिकृया दिनुहोस

नेपाल आइसिसी विश्व टी–२० एसिया छनोट ‘बी’ को विजेता

नेपाल आइसिसी विश्व ट्वान्टी–२० एसिया छनोट ‘बी’ २०१८ को च्याम्पियन बन्न सफल भएको छ। मलेसियामा जारी प्रतियोगिताअन्तर्गत नेपाल र सिंगापुरको खेल

एमबाप्पेको ह्याट्रिकसँगै ल्योनको पोष्टमा ५ गोल

एजेन्सी । फ्रान्सका युवा खेलाडी किलियन एमबाप्पेको उत्कृष्ट प्रदर्शनमा फ्रान्सेली लिग वानमा पेरिस सेन्ट जर्मेन (पीएसजी) ले ल्योनविरुद्ध ५ गोल गरेको छ

ला लिगाः सेभियासँग रियल मड्रिडको अप्रत्यासित हार

काठमाडौं – स्पेनिस ला लिगा फुटबलमा रियल मड्रिडले अप्रत्यासित हार ब्यहोरेको छ।  प्रतियोगिताअन्तर्गत बुधबार राति सम्पन्न खेलमा रियललाई सेभियाले