सरकार ‘एक्सन’मा जानुपर्छ : दाहाल

काठमाडौँ — माओवादी केन्द्रका अध्यक्ष पुष्पकमल दाहालले जनताको पक्षमा सरकारले तत्कालै एक्सनमा गएर काम गर्नुपर्ने बताएका छन् । ‘अब यसो भयो भन्ने होइन, सीधै दोषीमाथि कारबाही गर्नुपर्छ,’ संसद्‍मा प्रधानमन्त्रीमाथि विश्वासको मत दिँदै दाहालले भने, ‘भाषण गरेर जनताले विश्वास गर्दैन ।’

केपी ओली सरकार बलियो अधिकारसहित र दुई तिहाइ नजिक रहेको बताउँदै दाहालले परिणाम देखाउने गरी काम गर्न सुझाव दिए । ‘सरकारले एक्सन लिन सुरु गरोस्, परिणाम देखाउन सुरु गरोस्, दोषीलाई जे गर्ने हो गरोस्, कठोर कदम चालोस्,’ उनको सुझाव थियो, ‘ऐन–नियममा के व्यवस्था गर्नुपर्ने हो गरोस्, जनताले सरकारबाट एक्सन नै खोजेका छन् ।’

 

प्रधानमन्त्रीले देश बनाउने हर भ्रष्टाचारलाई नियन्त्रण गर्ने प्रतिबद्धता जनाउनुभएकोमा धन्यवाद दिँदै उनले लुलो हातले होइन बलियो हातले काम गर्न सुझाव दिए ।

 

दाहालले माओवादी शान्ति प्रक्रियामा आएपछि बनेका १० मध्ये ८ वटा सरकार बनाउन आफ्नो भूमिका रहेको स्मरण गर्दै भने, ‘८ वटा बनाउने अवसर पाएको छु, भविष्यमा कति प्रधानमन्त्री बनाएपछि गिनिज बुकमा नाम लेखिन्छ ?’ उनले कतिपयलाई संसद्‌मा ल्याउन अप्रत्यक्ष भूमिका खेलेर र कतिपयालाई सीधै प्रस्ताव गरेर प्रधानमन्त्री बनाएको उल्लेख गरे ।

प्रकाशित : फाल्गुन २७, २०७४ १६:३९

प्रतिकृया दिनुहोस

देश निर्माणका लागि इन्जिनियरको भूमिका महत्वपूर्ण : प्रधानमन्त्री

काठमाडौँ — प्रधानमन्त्री केपी शर्मा ओलीले देश निर्माणका लागि इन्जिनियरहरुको भूमिका महत्वपूर्ण हुने बताएका छन् ।  नेपाल प्रगतिशिल इन्जिनियर

मन्त्रिपरिषद् बैठक : कर्मचारी समायोजन अध्यादेश स्वीकृत

काठमाडौँ — मन्त्रिपरिषद्को सोमबार अबेरसम्म बसेको बैठकले बहुप्रतिक्षित कर्मचारी समायोजन अध्यादेश स्वीकृत गरेको छ ।    स्थानीय तह र प्रदेशमा

नेकपा बैठकमा प्रधानमन्त्रीको महासभामा सम्बोधनबारे जानकारी

काठमाडौँ, असोज २२ गते । नेपाल कम्युनिष्ट पार्टीको आजको सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले नेपालको राजनीतिक परिवर्तन र