उपमेयर बिरुद्ध वडा अध्यक्षहरु धर्नामा, मेयरले जनाए एक्येबद्धता

चैत्र ६, २०७४

उपमेयर रेणु झाले अनसन तोडेको १२ घण्टा न बित्दै बिभिन्न पाँच सुत्रिय माग राखी धनुषाको हँसपुर नगरपालिकाका वडा अध्यक्ष लगायत सदस्यहरुहरुले उनी बिरुद्ध धर्नामा बसेका छन् ।

उपमेयर रेणु झालाई कानुनको ज्ञान नै नभएको र जे कुरामा पनि आफ्नै अडान मात्रै राख्ने गरेकाले बिरुद्धधर्नामा बस्नु परेको वडा नम्बर २ का वडा अध्यक्ष उदय कुमार सिंहले बताए । उपमेयर झाको यस्तो प्रबृतिले गर्दा स्थानीय जनता अहिले नै आजित भएको सिंहले गुनासो गरे ।

उपमेयर झाले शंकाकै आधारमा र हचुवाको तालमा अनसन बसेर सस्तो लोकप्रियता कमाउन खोजेको सिंहले आरोप लगाए ।

धर्ना कार्यक्रमलाई मेयर राम ज्ञान मण्डल सहित ४ सय ५२ जनाले हस्ताक्षर गरेर एक्येबद्धता जनाएको छ । आफुलाई कसैले भेट्न गए पनि उपमेयरले घरबाट कार्यालय सञ्चालन गरेको आरोप लागाउदै आएको मण्डलले बताए ।

हंसपुर नगरपालिकाको केन्द्र सार्ने विषयमा मेयर रामज्ञान मण्डल र उपमेयर झाबीच विवाद भएपछि कार्यालयमा तालाबन्दी भएको थियो । बघचौडामा रहेको नगरपालिका कार्यालय मेयर मण्डलले अन्यत्र सार्न लागेको भन्दै उपमेयर झाले विरोध जनाएकी छिन् ।

यता मेयर मण्डलले स्थानीय सरकार सञ्चालन ऐन २०७४ मा निर्वाचनको ६ महिनाभित्र दुईतिहाइ बहुमतले केन्द्र परिवर्तन गर्न सकिने प्रावधान रहेको बताए । ‘नगरवासीलाई पायक पर्ने स्थानमा कार्यालय सार्न सदस्यहरूको दबाब रहेका कारण केन्द्र सार्ने प्रस्ताव मात्र राखेको बताए ।

दुईतिहाइभन्दा बढी बहुमतले कार्यालय सार्न दबाब दिएकाले कानुनअनुसार प्रक्रिया अगाडि बढाउनु मेरो कर्तव्य हो,’ उनले भने । नगरपालिकामा फागुन २८ गते देखी तालाबन्दी भएपछि जन्मदर्ता, विवाहदर्ता तथा विकास निर्माणका कार्य प्रभावित भएका छन् ।

यस अघि उपमेयर रेणु झा आफ्नै मेयरविरुद्ध नगरपालिकाको कार्यालयलाई अन्य स्थानमा सार्न खोजेको भन्दै आमरण अनशनमा बसेकी थिईन । उनले आइतबार राति करिब ९ बजे अनशन तोडेको मेयर रामज्ञान मण्डलले बताए ।

प्रतिकृया दिनुहोस

आज देखि नयाँ मुलुकी ऐन लागुहुँदै, आमनागरिकको दैनिकीमा प्रत्यक्ष प्रभाव पार्ने

तत्कालीन प्रधानमन्त्री जंगबहादुर राणाले विक्रम संवत १९१० सालमा निर्माण गरेको ‘मुलुकी ऐन’ लाई प्रतिस्थापन गरी आजदेखि ‘मुलुकी देवानी (संहिता),

सांसदलाई पेस्तोल ताकेको आरोपमा ३ सय ३५ जना पक्राउ

महानगरीय प्रहरी परिसर काठमाडौँले सांसद निरु पाल पेस्तोल प्रकरणमा हालसम्म ३ सय ३५ जनालाई पक्राउ गरेको छ । काठमाडौं प्रहरीका प्रमुख एसएसपी विश्वराज

सांसदमा सत्ता र प्रतिपक्षबीच चर्काचर्की, कांग्रेसले माग्यो प्रधानमन्त्रीको राजीनामा

प्रमुख प्रतिपक्षी दल नेपाली कांग्रेसका सांसदले प्रधानमन्त्री केपी शर्मा ओलीको राजीनामा मागेपछि प्रतिनिधि सभाको बैठकमा सत्तापक्ष र प्रतिपक्षका