विराट कोहलीको बेङ्लोर पहिलो खेलमै स्तब्ध

कोलकत्ता – इन्डियन प्रिमियर लिग (आइपिएल) क्रिकेट अन्तर्गत गएराति सम्पन्न खेलमा विराट कोहलीको रोयल च्यालेन्जर्सलाई दिनेश कार्तिकको कोलकाता नाइट राइडर्सले ४ विकेटले स्तब्ध पारेको छ।

कोलकाताको घरेलु मैदान इडेन गार्डेनमा भएको खेलमा टस हारेर ब्याटिङ गरेको  बेङ्लोरले २० ओभरमा ७ विकेट गुमाउँदै १ सय ७६ रन बनाएको थियो।

बेङ्लोरका लागि एवी डि भिलियर्सले सर्वाधिक ४४ बनाएका थिए। उनले २३ बलमा १ चौंका र ५ छक्का प्रहार गरे। ब्रेन्डन म्याकुलमले २७ बलमा ६ चौंका र २ छक्काको मद्दतमा ४३ रनको योगदान दिएका थिए। त्यस्तै मन्दिप सिंहले १८ बलमा ३७ र कप्तान विराट कोहलीले ३३ बलमा ३१ रन बनाउनु बाहेक अन्यले राम्रो प्रदर्शन गर्न सकेनन्।

बलिङतर्फ कोलकत्ताका विनय कुमार र नितिश रानाले २–२ तथा पिउस चावला, सुनिल नारायन र मिचेल जोनसनले एक–एक विकेट लिए।  

जवाफमा १ सय ७७ रनको लक्ष्य कोलकत्ताले खेल सकिन ७ बल अघि ६ विकेटको क्षतिमा भेट्टायो। घरेलु दर्शकमाझ कोलकाताको जितमा म्यान अफ द म्याच सुनिल नारायनले विस्फोटक ब्याटिङ गर्ने क्रममा १९ बलमा ४ चौंका र ५ छक्काको सहायतामा सर्वाधिक ५० बनाए। त्यस्तै कप्तान दिनेश कार्तिकले २९ बलमा नटआउट ३५ र नितेश रानाले २५ बलमा ३४ रनको योगदान दिए।

बलिङतर्फ बेङलोरका लागि क्रिस ओक्सले ४ ओभरमा ३६ रन दिएर ३ तथा उमेश यादवले ४ ओभरमा २७ रन दिएर २ विकेट दिएपनि टोलीलाई जिताउन सकेनन्। त्यस्तै वासिङटन सुन्दरले पनि एक विकेट लिए।

यसअघि हिजो सम्पन्न पहिलो खेलमा डिल्ली डेयर डेभिल्सलाई पराजित गर्दै किंग्स इलाभेन पञ्जावले आइपिएलमा विजयी सुरुवात गरेको छ।

 

 

प्रतिकृया दिनुहोस

महिला टि–२० क्रिकेट : थाइल्याण्डलाई पराजित गर्दै नेपाल समूह विजेता

काठमाडौं – थाइल्याण्डमा जारी महिला टी–२० स्मास क्रिकेट प्रतियोगितामा लगातार चार खेल जितेर नेपाल समूह विजेता बन्दै सेमिफाइनल प्रवेश गरेको छ।

जर्मनीको जितमा सानेको गोल

एजेन्सी । लोरी सानेको गोलमा जर्मनीले अन्तर्राष्ट्रिय मैत्रिपूर्ण खेल अन्तर्गत बिहीबार राति रुसलाई ३–० ले पराजित गरेको छ ।  जर्मनीका प्रशिक्षक

आज नेपाल र माल्दिभ्स भिड्दै

काठमाडौं, बिहीबार – साफ यु–१५ च्याम्पियनसिप आज बाट काठमाडौंमा सुरु हुँदैछ। नेपालले पहिलो खेलमा आज माल्दिभ्ससँग खेल्दै प्रतियोगिताको सुरुआत