मलाई अवार्ड आवश्यक छैन : खगेन्द्र लामिछाने

भर्सटायल अभिनेताको रुपमा परिचित खगेन्द्र लामिछाने एक कुशल लेखक पनि हुन् । पर्दामा जीवन्त अभिनय गर्न सिपालु उनले जुन फिल्ममा काम गर्दछन् त्यसबाट आफ्नो फरक पहिचान बनाएका छन् । 
 
हँसिलो स्वभावका उनी जुनसुकै फिल्ममा काम गर्दैनन् । अझ खगेन्द्र आफ्नै कथा र पटकथा भए मात्र फिल्ममा अभिनय गर्न राजी हुन्छन् ।
 
एक फिल्मबापत २५ लाखमाथी पारिश्रमिक बुझ्ने उनी गएको वर्ष प्रदर्शनमा आएको 'धनपति' फिल्मपछि यही बैशाख २१ गते नयाँ फिल्म 'डमरुको डण्डीबियो' लिएर हल पस्दैछन् । 
प्रायः पर्दामा सामाजिक कथावस्तुमा आधारित फिल्ममा काम गर्दै आइरहेका उनले यसमा भने एक डण्डीबियो खेलाडीको भूमिका निर्वाहा गरेका छन् । कथा पनि उनी आफैंले तयार पारेका हुन् । 
 
उनी भन्छन्, 'अन्य फिल्मभन्दा 'डमरुको डण्डीबियो' मा मेरो विल्कुलै फरक अवतार देख्न पाउनुहुन्छ । देशबाट लोप हुँदै गएको डण्डीबियोको कथा पर्दामा उतार्न खोज्नु आफैंमा चुनौतीपूर्ण हो । यस विषयमा प्रयाप्त ज्ञान हुन आवश्यक थियो । हामीले सक्ने मिहिनेत गरेर फिल्म तयार पारेका छौं ।' 
 
हरेक फिल्मबाट खगेन्द्रले कथा, पटकथा वा अभिनेताको विधामा अवार्ड हात पार्दै आइरहेका छन् । तर, उनी आजसम्म नेपालमा हुने कुनै पनि अवार्ड कार्यक्रममा पुगेका छैनन् । 'पशुपतिप्रसाद' बाट उत्कृष्ट लेखन विधामा 'राष्ट्रिय चलचित्र पुरस्कार' हात पार्दा समेत उनी लिन गएनन् । उनकी धर्मपत्नीले पुरस्कार ग्रहण गरेकी थिइन् ।
 
किन अवार्डप्रति वृतिष्णा ? मंगलवार पत्रकारसँगको कुराकानीको क्रममा उनले भने, 'मैले कहिल्यै सोचेको थिइनँ कि म पनि कलाकार हुन्छु । म त लेखक बन्छु भनेर गाउँबाट काठमाडौं छिरेको हुँ । तर, जानी-नजानी कलाकार भएँ । कलाकार हुन पाउँदा म यतिधेरै खुसी छु कि मलाई अवार्डको आवश्यकता नैै छैन ।' 
 
'मानिसहरु सधै खुसीकै लागि संघर्ष गर्दछन् । मैले त्यो खुसी कलाकारिताबाट पाएको छु ।' खगेन्द्र थप्छन्, 'म कलाकार बन्न पाएर खुसी छु त्यसैले मलाई अवार्डले दिने खुसी ठूलो लाग्दैन । त्यो अवार्ड बरु अरु कसैले पाउँदा म थप खुसी हुन्छ ।' 
 
उनी आफू कहिल्यै अवार्डका लागि भनेर काम नगर्ने पनि बताउँछन् । पछिल्लो समय खगेन्द्र बलिउड अभिनेता आमिर खानको बाटोमा हिँड्न थालेको चर्चा छ । आमिर र खगेन्द्रले छान्ने विषयवस्तु समाज केन्द्रित हुन्छन् । 
 
तपाई आमिर खानको बाटोमा हिँड्नु भएको हो ? पत्रकारको यस प्रश्नमा उनले सटिक उत्तर दिए, 'अरुले के भन्छन् भन्ने कुराले मलाई फरक पार्दैन । मात्र म के सोच्छु भन्ने कुरा ठूलो हो ।' 

प्रतिकृया दिनुहोस

आमिरको ‘महाभारत’मा प्रभासलाई अफर

 बलिउड अभिनेता आमिर खान आफ्नो महत्वाकांक्षी फिल्म ‘महाभारत’ को तयारीमा जुटेका छन् । यो फिल्म उनले रिलाइन्स कम्पनीका मालिक मुकेश अम्बानीसँग

कवियित्री एवं गीतकार मिरा न्यौपाने गजुरेल को पहिलो कबिता संग्रह "याद हरु" एक भब्य कार्यक्रम का बीच लोकार्पण

राग रागिनी entertainment प्रा.लि. को प्रकाशनमा कवयत्री मिरा गजुरेल को कबिता संग्रह "याद हरु" को एक भब्य कार्यक्रम का बीच लोकार्पण सम्पन्न भएको छ । कार्यक्रम

‘कायरा’ भोलिदेखि हलमा

चितवन — आर्यन सिग्देल र साम्राज्ञी राज्यलक्ष्मी शाह सोमबार नारायणगढमा थिए । शुक्रबार रिलिज हुन लागेको ‘कायरा’ का नायक–नायिका यो फिल्म मन